فاكر؟

موضوع: فاكر؟ الجمعة نوفمبر 20, 2009 9:48 am

السلام
عليكم يا اصحابي عاملين ايه عالعموم انا حبيت اسلم عليكم .قبل ما ادخل في
الموضوع .عايزاكم تقروا الكلام ده بقلبكم وتستخدموا ذاكرتكم في الحاجات
اللي حفكركم بيها دلوقتي .اتفقنا . تيجوا نرجع بالذاكره شهر ورا ونفتكر في
يوم زي النهارده من شهر كده كنا بنعمل ايه؟؟؟انا اقولكم فاكر لما كنت
بتنزل المسجد كل يوم وتصلي التراويح .وانت فاكره ؟؟.فاكره لما كنت بتدعي
ربنا كل يوم .؟.طب فاكرين كلنا لما كنا بنحاول نتحرى ليله القدر.وازاي كنا
بندعي ربنا كل يوم انه يعتقنا من النار ويكتبنا من اهل الجنه .طب فاكره
لما في ليله من الليالي حسيتي بقربك من ربنا وبقيتي بتبكي من الخشوع .وانت
فاكر لما وعدت ربنا انك مش حترجع للذنب الفلاني تاني .ايه رايكم افتكرتوا
وللا لسه ها ؟حاسس بايه؟وانت حاسه بايه؟ .عارف ايه اللي حصل بعد كده ؟انا
اقولك.رجعت تاني زي ماكنت بطلت تنزل المسجد. ده حتى الصلاه بقيت بتضيعها !
وانت رجعتي تلبسي ضيق وتكلمي ولاد تاني .نسيتي دموعك اللي نزلت من كتر
خشوعك ؟.طب بلاش كده نسيتي كل اللي ربنا عملهولك .تحبي افكرك؟؟فاكره يوم
ما عملتي الغلطه الفلانيه وخفتي مامتك تعرفها وربنا سترك .وانت فاكر لما
كنت في الأمتحان ونسيت الأجابه وربنا فكرهالك .كنتوا ناسيين صح !!!ودلوقتي
افتكرتوا .حتقلولي وبعدين حنعمل ايه .ده ربنا عملنا حاجات كتيره اوي واحنا
وحشين اوي .انتوا عارفين د ه ربنا بيقول في حديث قدسي(من اتاني منهم تائبا
تلقيته من بعيد ومن اعرض عني ناديته من قريب)تخيل انت بتبعد عن ربنا وهو
بيناديك انت بتعصيه وهوبيقولك عبدي اين تذهب ؟الك رب سواي ؟الحسنه عندي
بعشر امثالها وازيد والسيئه عندي بمثلها واعفوا وعزتي وجلالي لو استغفروني
منها لغفرتها لهم.....يبقى احنا مش مطلوب مننا نبقى ملايكه ومنغلطش لاننا
لازم نغلط علشان احنا بشر .بس على طول نعرف غلطنا ونستغفر عنه وحتلاقي
ربنا غفور رحيم .لان سبحانه وتعالى هواللي قال(ياابن ادم لو لقيتني بقراب
الأرض خطايا ثم لقيتني لا تشرك بي شيئا لاتيتك بقرابها مغفره)