جهازك شغال طول السنه بإستقرار تام لكن مع بداية فصل الصيف وارتفاع الحراره جهاز بيبتدى يستجيب ببطئ + التهنيج المتكرر بطريقه غير طبيعيه
إتفضل النصائح دى وحاول تنفذها وهتلاحظ الفرق
- أول حاجه إفتح الـ Case وركز على الكابلات اللى جواها لو لاحظت ان الكابلات ممكن تكون بتحجب مسارات الهواء جوه الـ Case حاول تجمعها وتبعدها تماما عن المراوح والأماكن الخاليه
- شغل الجهاز وتابع آداء كل المرواح مروحه مروحه وإتاكد ان كلهم بيلفوا بنفس السرعه
- لو مروحه صوتها عالى حاول تغيرها لان معنى ان صوتها عالى انها مش بتلف بالسرعه القصوى المصممه ليها
- كل اسبوعين او شهر حاول تنظف الجهاز من الأتربه بـ البلاور
- أهم مروحتين فى الجهاز مروحة البروسيسور ومروحة الباور سبلاى حاول انك دايما تتأكد انهم شغالين بشكل قوى
- حاول تزود عدد المرواح لو فيه مكان فاضى ليها
- لو عندك تكييف حاول تحط الجهاز فى الأوضه اللى فيها التكييف
- لو الحجره اللى فيها الجهاز دايما مغلقه وغير جيدة التهويه حاول تنقل الجهاز لأوضه هواها متجدد طول اليوم
موضوع: جهازك بيهنج فى الصيف من الحر 
الأحد نوفمبر 15, 2009 8:06 am
