متى تبدأ مواعيد الصيد بالغلة؟

بسم الله الرحمن الرحيم

الصيد
بالغله هوه فعلا صيد المحترفيين بالنسبه لصيادى المياه العذبه وانا شخصيا
اسميه بالصيد الصعب لآنه يحتاج الى سرعه بديهه وصبر وانتباه شديد ولكن فى
المقابل النتيجه بتكون مرضيه جدا جدا فالاحجام لا تقارن بصيد الطعم ده
اولا وثانيا : الدور الى متعود على اكل الغله سمكته طعمها فوق الممتاز
(معلوفه) تخيلو سمك بياكل غله صافى . اكيد احجامه حتكون كويسه و طعمه
حيكون افضل . اسمحو لى بتقديم نبذه بسيطه عن الطريقه المثلى للصيد بالغله
للاخوه الذين لم يجربو ذالك . واعلم انه هناك من هوه اقدر منى على الشرح
اولا طريقه تحضير الغله
نصف
كيلو غله ويستحن من النوع ذو الحبه الكبيره نسبيا يتم غسله بالماء جيدا
حتى ينظف من الاتربه تماما وبعد ذالك يتم وضعه فى حله بها ماء ويتم غليها
على النار والتقليب من وقت الى اخر حتى نضوج حبه الغله (نصف سوى) وبعد
ذالك تنزل من على النار وتترك فى الحله مغطاه لمده مناسبه حتى انتفاخ حبه
الغله ولا تتركها لدرجه انها تتفتح او تنهرى حتى لا تصقط من على السن وبعد
ذالك تغسل بالماء البارد ويتم تقسيمها على اكياس وتوضع فى الثلاجه وتكون
معده للصيد
وعلى فكره هيه موجوده جاهزه و تباع لدى محلات ادوات الصيد وتقريبا الكيس بحوالى نصف جنيه
ثانيا طريقه اعداد الدور للصيد فيه:
يتم
اختيار الدور المناسب ويستحن ان يكون دور هادى بدون امواج ويكون الجسر فيه
منحنى كده ( / ) او اقرب ما يكون لذالك ولا يشترط ان يكون كذالك ولكن يفضل
. المهم الدور يكون فيه او قريب منه سمك بلطى (شبار) يتم اخذ كميه مناسبه
بقدر مناسب من الغله ورشها فى الدور بأتساع متر تقريبا وكميه اخرى توضع
نصفها على الجسر الطين والنصف الاخر فى المياه ملامسه له ( يعنى نصها جوه
والنصف بره ) بأتساع 30 او 40 سم لان دى منطقه الشغل يعنى ده المكان
المفروض وضع السناره فيه . مع الاخذ فى الاعتبار ان الواحد المفروض انه
يعمل له دورين او تلاته بنفس الطريقه والتنقل بينهم طول اليوم والدور الى
يشتغل معاه موش يسيبه
وتترك
الادوار لمده ربع ساعه لحين الانتهاء من الاستعداد للصيد و تجهيز الادوات
ويستعمل لصيد الغله سن 01 او اقل او اكثر على حسب ولكن المهم انه يكون
دقنه واطى و مفتوح نسبيا ويتم استخدام وش مناسب بطول 40سم تقريبا عباره عن
سنين يفصل بينهم حوالى 15سم وفى كل سن حبه واحده من الغله تغطى السن مع
مراعاه انه لو سقطت حبه واحده من الوش لا تنظر السمكه الى الحبه الاخرى
لانها تخاف و عن تجربه يعنى لازم الحبتين يكونو موجودين طول الوقت .
وتستعمل غماز مناسب و يفضل صغير الحجم قدر الامكان ورصاصه مناسبه لحجم
الغماز ويتم معايرتها حتى تكون سهله جدا فى النزول بالغماز حتى لا تشعر
السمكه بمقاومه عند سحب حبه الغله . ويتبقى الانتباه التام للغماز عند اى
حركه يسمح فيها بالرد وشد السمكه لان اى حركه معناها وجود حبه الغله ومنثم
السن فى فم السمكه .
ملاحظه
هامه فى الصيد بالغله . لا تترك السناره فى الماء مده طويله بدون تحريك
(حرك كل شويه ) يعنى ارمى جوه واسحب عليك ناحيه الغله الموضوعه على الجسر
لان السمك بينقى الغله الى انت رميها جوه ويدور على الغله الموجوده على
الجسر
2-يجب
الجلوس متخفيا يعنى ابعد ما تستطيع عن الدور يعنى يا دوب تبقى شايف الغماز
علشان السمك فى الغالب بيطلع على الجسر علشان ينقى الغله الموجوده
والمفروض انه موش يشوفك علشان ما يخافش ويهرب من الدور

الموضوع منقول بس لو فية اى استفسار انا تحت امرك

والسلام عليكم

لا اله الا الله محمد رسول الل

» مواعيد النوات فى البحر الاحمر
» طرق عمل عقد الصيد
» كيفيه عمل عجينه الصيد
» اما كن الصيد فى النيل المصرى
» قوانين منتدى الصيد ... هاااااااااااااام