تعليمات للأمن و السلامة اثناء رحلة الصيد

السلام عليكم
لقد قرأت موضوع وحيد باشا بخصوص الأمن الوقائي للرحلات و فعلا هو موضوع مهم جدا و لم يخطر على بالنا ان نتطرق ليه

1 - الحذاء
و يفضل ان يكون من النوع اللى ما يزحلقش لو طالع على مركب او بتصطاد من
على حواجز امواج و يفضل لو يكون معاك جوز احتياطى و بلاش موضوع الشبشب او
المشى حافى القدمين لأن ممكن يكون فيه سن واقع على الأرض او شوكة سمكه لا
قدر الله
2- طقم لبس اضافى احتياطى
3- يفضل التأكد من ان المركب عليها اطواق او جاكتات نجاه
4- اترك
تليفونك المحمول داخل المركب و يفضل من وجهة نظرى الشخصية ترك جهاز او
اتنين فقط مفتوحين للحفاظ على شحن الأجهزه الأخرى فى حال عدم وجود وسيلة
شحن كهربى و يفضل لو ان الأتنين كل واحد يكون على شبكة اتصال مختلفه
5- شنطة
الأسعافات توضع فى كيس يلاستيك منعا لوصول الماء عليها و تكون موضوعة فى
مكان معروف للكل مع مراعاة اخذ خافض للحرارة و مانع تقلصات و مرهم مضاد
للأحتكاكات الجلدية و ياريت لو فيه كريم مضاد للشمس بالأضافه الى محلول
جفاف و رباط ضاغط فى حال لا قدر الله جزع او التواء بالأضافة الى بلاستر
جراحى و يستخدم لا قدر الله بدل الغرز
6- التأمين على وضعية العدد على المركب و ابعادها عن جوانب المركب لعدم الوقوع فى البحر
7- فى
حالة الصيد بالحدافات تأكد من انك بتلم بطريقه سليمه و ان الخيط جنبك و
ليس مترامى فى انحاء المركب تلافيا لأن يتلبخ فى بعضه او ان احدا من
زملائك لا قدر الله يتكعبل فيه
8- لو
رامى ببوصه خلى عينك على زملائك و انت بتلم او بترمى و قدر طول البوصه
اللى بتتحرك بيها كى لا تصيب احد منهم و فى حالة عدم الصيد تأكد ان السن
بالذات متعلق يأما فى احد حلقات الغابة او شابك فى طوق الماكنه لأنه ممكن
مع الحركة و الأهتزاز و المطوحة تصيب احد زملائك و نفس الشىء للحداف علق
السن و اغرزه فى خشبة الحداف و ابعدها عن ممر المشى
9- لو
رامى عده و داخل تنام تأكد انها متأمنه صح يعنى لو حداف يكون لافف على
الشمعه كذا مرة و بعدين على الأرض مش على الجلسهالعلوية و لو ماكنه تكون
داخل تجاويف مكن الجر و العصفوره مهوية
10- لو
منزل عياشة فى الميه تأكد انها مربوطه كويس جدا و كذا عقده و يفضل لو
بحبلين لأن الطعم الصاحى لو راح هتندم لو السمك ما بياكلش غير عليه
حاسس انى اطلت فعذرا لو نسيت شىء و الباقى عليكم

» نصائح هامه اثناء الصيد للهواه
» قصص الاخطار التي واجهت الصيادين اثناء الصيد
» فيديو سمكة تقتل رجل اثناء صيدها
» طرق عمل عقد الصيد
» كيفيه عمل عجينه الصيد