: الحراسة و الشراسة - بمفهوم آخر (متجدد

[center]الحراسة و الشراسة - بمفهوم آخر

[ندعوك للتسجيل في المنتدى أو التعريف بنفسك لمعاينة هذا الرابط]

السلام
عليكم يا شباب، المره دي الموضوع هيكون عن الحراسة وتدريبات الشراسة لأنه
موضوع من أكتر المواضيع اللي الكل بيبحث عنها لانها من أهم وظائف الكلاب،
ولأن الموضوع طويل شويه وهتناول فيه فكرة الحراسة و الشراسة من كذا نقطة
فكالعادة هنقسم الموضوع لعدة اجزاء، و النقاط الرئيسية هتكون كالآتي:

[size=9]رابطة محبي الحيوانات AnimalsFanClub.Com[/size]
1- مفهوم الحراسة و الشراسة.

2- أنواع الحراسة.

3- أنواع كلاب الحراسة ومزايا وعيوب كل نوع.

4- دراسة تفصيلية لأكثر أنواع الكلاب شراسة.

5- تدريبات الحراسة الأولية.

6- تدريبات الحراسة المتقدمة.

7- تدريبات الحراسة الشخصية.

[size=9]رابطة محبي الحيوانات AnimalsFanClub.Com[/size]

بكده
أكون غطيت معظم النقاط اللي بتتكلم عن الحراسة و الشراسة واتمنى ان ربنا
يوفقني والموضوع يكون فيه الفائدة المرجوة منه، وأقدر أكمله معاكم على
أكمل وجه.

[ندعوك للتسجيل في المنتدى أو التعريف بنفسك لمعاينة هذا الرابط]

1- مفهوم الحراسة و الشراسة:

من
أهم الوظائف اللي ربنا هيأ الكلب ليها وظيفة الحراسة، و الحراسة مقصود
بيها حماية الكلب لشيء معين، ممكن يكون مكان سواء مغلق أو مفتوح أو شخص أو
غرض معين زي سيارة مثلا، وحتى كلاب الرعي بتندرج تحت بند الحراسة لأن
مهمتها بتكون حماية القطيع سواء من الشرود أو من هجوم أي فرد غريب عليه.

[size=9]رابطة محبي الحيوانات AnimalsFanClub.Com[/size]

والكلب
بالفطره حارس، بيحرس أي شيء بينتمي ليه، والحس الأمني موجود عند أي كلب،
لكن بيختلف من كلب لآخر ومن نوع لآخر، والاختلاف بيعتمد على عومل كتير جدا
منها التربية و البيئة و نوع الكلب وطبيعة المكان أو الشيء اللي مطلوب منه
حراسته. والغرض من تدريبات الحراسة هي تنمية الحس الأمني عند الكلب
واظهارة بصورة تناسب المهمة المطلوبة.

[size=9]رابطة محبي الحيوانات AnimalsFanClub.Com[/size]

أما
الشراسة فهي فعل بيصدر من الكلب تجاه موقف معين، والفعل ده عبارة عن فعل
عدائي. وهنا لازم نوضح فرق مهم جدا وهو اختلاف الشراسة عن الحس الأمني
الناتج عن الحراسة. ففي حين ان كل الكلاب بتتمتع بحس أمني بيدفعها انها
تدافع عن اي شيء ينتمي ليها، هنلاقي ان الشراسة هي مقياس رد فعل الكلب
تجاه اي خطر بيهدد الشيء اللي بينتمي ليه. بمعنى آخر ممكن نقول ان كل
الكلاب عندها حس أمني وكلها عايزه تدافع عن ممتلكاتها لكن مش كل الكلاب
بتدافع عن الممتلكات دي بنفس العنف. والغرض من تدريبات الحراسة والشراسة
رفع الحس الأمني عند الكلب وزيادة الشراسة (زيادة رد الفعل تجاه اي تهديد).

من
هنا نقدر نوصل لنتيجة جميله، وهي ان كل الكلاب تنفع تكون كلاب حراسة، ولكن
قدراتها في الحراسة مختلفة ومتفاوتة بصورة كبيره. وده طبعا راجع لامكانيات
كل كلب سواء البدنية أو الشخصية زي ما هنشوف بعد كده لما نناقش أنواع كلاب
الحراسة.

والهدف
الاساسي من تدريبات الحراسة هو تنمية الحس الأمني عند الكلب بمعنى اننا
نوصل بالكلب لمرحلة متقدمة من الانتماء للشيء الملطلوب حراسته، وعلى عكس
ما معظم الناس متخيله، ان المطلوب في الكلب الشراسة الزائدة علشان يكون
كلب حراسة متميز، وده طبعا مفهوم خاطئ، لان قبل ما ننمي شراسة الكلب، لازم
ننمي الحس الأمني عنده، علشان نقدر بعد كده نوجه الشراسة دي في الاتجاه
الصحيح، لأن الحس الأمني هيكون هو المحرك و الدافع للكلب وهيخليه يستخدم
اقصى امكانياته ويطلع كل الشراسه الممكنة بداخله علشان يحمي ممتلكاته.

[size=9]رابطة محبي الحيوانات AnimalsFanClub.Com[/size]

بكده
نكون وصلنا لنقطة ارتكاز وهي اننا قبل ما نفكر في الشراسة لازم الأول نفكر
ازاي نوصل بالكلب للانتماء للشيء المطلوب حراسته علشان نرفع الحس الأمني
عنده، وبعد كده ننتقل لمرحلة الشراسة وهي مرحلة تدريب على القتال واساليب
الهجوم والدفاع.

[ندعوك للتسجيل في المنتدى أو التعريف بنفسك لمعاينة هذا الرابط]

2- أنواع الحراسة:

الحراسة بتنقسم لثلاثة أنواع رئيسية وهيتم مناقشة كل نوع منهم بالتفصيل:

أ- الحراسة الأولية:

الحراسة
الأولية هي مرحلة زي ما قلت في موضوع سابق الكلب بيكون فيها زي جهاز
الانذار، بينبح ويثور عند حدوث اي اختراق او تهديد للشيء المطلوب حراسته.
وغالبا معظم الكلاب بالفطرة مؤهلة للحراسة الأولية.

[size=9]رابطة محبي الحيوانات AnimalsFanClub.Com[/size]

والحراسة
الأولية مفيدة في حالات كتير زي مثلا حراسة المنازل العادية أو اي مكان
غير معرض للتهديد أو لا يحتوي على شيء ثمين. ومن الأمور اللي بتندرج تحت
الحراسة الأولية حماية الأطفال اثناء اللعب. فعند تربية كلب مع وجود اطفال
صغار هنلاقي ان الكلب اعتبر الاطفال مسؤوليته ولو حصل ليهم اي حاجة بيبدأ
الكلب بالنباح لتنبيه صاحبه ان في حاجة حصلت للطفل.

[size=9]رابطة محبي الحيوانات AnimalsFanClub.Com[/size]

بالتالي
ممكن نعتبر الحراسة الأولية هي احساس الكلب بكل شيء ينتمي ليه، وتقديره
للمسؤولية تجاه الشيء ده. وتدريبات الحراسة الأولية من التدريبات الممتعة
جدا، وان شاء الله هناقشها كلها في الجزء الخاص بالتدريبات في الموضوع.

[ندعوك للتسجيل في المنتدى أو التعريف بنفسك لمعاينة هذا الرابط]

ب- الحراسة المتقدمة:

الحراسة
المتقدمة هي عملية تحميل الكلب المسؤولية الكاملة عن شيء ما، زي مثلا
حراسة فيلا، او منشأه أو مصنع أو جراج سيارات وهكذا. ومن ضمن المهام اللي
بتعتبر حراسة متقدمة استخدام الكلاب في عمليات حراسة المداخل، زي مداخل
الفنادق أو المراكز التجارية. وفي ناس كتير متخيله ان الكلاب المدربة على
اكتشاف المخدرات ملهاش اي وظيفة غير ان المدرب يلف بالكلب على العربية
مثلا و الكلب يشم رائحة المخدرات و ينبح، انما في كلاب وظيفتها انها تقف
على الباب وبدون ما تتحرك تميز الروائح للناس الداخله ولو شمت رائحة
مخدرات مثلا تبدأ بالهجوم بدون انذار، وده جزء من اجزاء الحراسة المتقدمة.
وهنا بنلاحظ ان الكلب بيعتبر المخدرات تهديد واختراق للمحيط الأمني.

[size=9]رابطة محبي الحيوانات AnimalsFanClub.Com[/size]

وطبعا مهام الحراسة المتقدمة كتير جدا ومتنوعة جدا، وصعب الواحد يناقشها كلها مع بعض لكن ممكن نقسمها لمجموعة من الفئات:

* حراسة الأماكن الصغيرة المغلقة.

* حراسة الأماكن الواسعة المغلقة.

* حراسة الأماكن الواسعة المفتوحة.

[size=9]رابطة محبي الحيوانات AnimalsFanClub.Com[/size]
* حراسة المخازن و المستودعات (دي بالذات ليها معاملة خاصة).

* حراسة مداخل المنشآت.

* مقاومة الهجوم المسلح.

* تفريق المظاهرات و التجمعات البشرية.

دي كانت أهم فئات الحراسة المتقدمة، وان شاء الله هناقش كل فئة في الجزء الخاص بأنواع كلاب الحراسة والنوع الملائم لكل غرض.

[ندعوك للتسجيل في المنتدى أو التعريف بنفسك لمعاينة هذا الرابط]

[size=9]رابطة محبي الحيوانات AnimalsFanClub.Com[/size]

جـ - الحراسة الشخصية:

الحراسة
الشخصية هي عملية بيكون فيها الكلب حارس لشخص ما، بيتبعه في كل خطوة
وملازم ليه، وبيحميه من اي خطر او اعتداء، وزي ما قلت قبل كده الحراسة
الشخصية من اصعب التدريبات لأن من الصعب جدا انك توصل بالكلب للمرحلة اللي
يقدر يميز فيها الخطر ويقيمه قبل وقوعه، وبتحتاج صبر و مجهود وتدريب شاق،
لان بيكون مطلوب من الكلب الهدوء التام ومراقبة صاحبة في كل خطوة وعدم
الاهتمام بأي شيء ممكن يشغل الكلب والتركيز في المهمة فقط لا غير، يعني
مثلا لو كلب تاني ماشي المفروض كلب الحراسة ميديلوش اي انتباه أو يبنح
عليه مثلا.

[size=9]رابطة محبي الحيوانات AnimalsFanClub.Com[/size]

والحراسة
الشخصية فن معقد، ومش اي مدرب بيدرب حراسة شخصية، ده غير انها بتاخد وقت
طويل واعداد قبل البدء في التدريبات، ومش اي كلب يصلح انه يكون حارس شخصي
مثالي، والكلاب المناسبة وطريقة التدريب هيتم مناقشتها في الجزء الخاص
بيها ان شاء الله.

[ندعوك للتسجيل في المنتدى أو التعريف بنفسك لمعاينة هذا الرابط]

كده
أكون خلصت معاكم أنواع الحراسة والجزء التالي ان شاء الله هنناقش فيه
أنواع كلاب الحراسة و مزايا وعيوب كل نوع وايه النوع الملائم لكل نوع من
الحراسة.

[/center]

» درس : تدريب الشراسة و كيفية السيطرة علي الكلب ( حصري )
» موسوعة أخطاء تتم أثناء التدريب (متجدد)
» موسوعة تدريب الكلاب:- (1) أوامر الطاعه (متجدد).