طارت رِجل من تحت الآى سى على البوردة )-: !!! ولا يهمك (-: محلولة إن شاء الله
كاتب الموضوع
رسالة
shaframan webmaster
عدد المساهمات : 1433 نقاط : 2147488896 السٌّمعَة : 0 تاريخ الميلاد : 30/03/1992 تاريخ التسجيل : 14/11/2009 العمر : 31 الموقع : www.zerodownload.yoo7.com
موضوع: طارت رِجل من تحت الآى سى على البوردة )-: !!! ولا يهمك (-: محلولة إن شاء الله الأربعاء نوفمبر 25, 2009 11:35 am
بيقبلنا أحياناً أو ربما أكثر من أحياناً إن رِجل أو أكثر من الأرجُل تحت الآى سى تتخلع من مكانها على البوردة لأى سبب من الأسباب و ساعتها الواحد بيبقى هايتجنن و يقول خلاص أنا كدة الجهاز هايلزمنى و هادفع ثمنه بس أنا بأقول لأ و الحل إن شاء الله هنا.
على فكرة فى أغلب الأحيان الرجول إللى بتطلع من على البوردة بتبقى رجول فرى يعنى مالهاش دور فى التوصيل بين الآى سى و البوردة و الكلام ده أكيد عدى على كتير مننا و أنا عن نفسى عدى عليا كتير و كنت بأرْكّب الآى سى و الجهاز بيشتغل عادى خالص بدون أى عيوب أو مشاكل، بس ده مايمنعش إن فى أوقات تانية بتبقى الرِجل إلى طارت دى نشطة و بتتعرف يا إما بتكون واصلة بتراك من على السطح الخارجى للبوردة و أكيد ممكن نشوفها بالعين المجردة أو بالعدسة، و لو الرِجل دى من الرجول إللى عند أطراف الآى سى فممكن يتعمل منها لينك و أعتقد مش محتاجة شرح، أما لو كانت من الرجول الداخلية فممكن برضه بس بتبقى صعبة شوية و عايزة واحد حرّيف بس طبعاً الكلام ده فى الآيسيهات إللى رجولها كبيرة و بعيدة عن بعض و ممكن برضه للآيسيهات إللى بتبقى صغيرة أو الرجول بتاعتها قريبة من بعض بس طبعاً بتبقى أصعب شويتين وكل شئ ممكن بالممارسة، و فى حالة تانية بتبقى الرِجل واصلة بتراك على طبقة أخرى تتوسط البوردة من الداخل و بتتعرف عن طريق أنه يتم التنظيف مكان الآى سى كويس جداً لإزالة آثار الفلاكس و التسخين و بعدها يتم التجفيف تماماً ثم التدقيق فى النظر بعدسة مكبرة فى مكان الرِجل المخلوعة ، فإذا لاقيت نقطة نحاس صغيرة أوى فى محيط دائرة هذه الرِجل يبقى أكيد كدة الرِجل دى نشطة و فى الحالة دى بيبقى الحل إنه بيتم كحت النقطة الصغيرة دى بآلة حادة و رفيعة أوى عشان بس النقطة دى تكبر شوية و ينفع القصدير يمسك فيها ثم بعدها يتم وضع قطعة صغيرة أوى من القصدير العادى أو المعجون ثم التسخين و تحريك قطعة القصدير عشان تمسك فى نقطة النحاس و بعدها بيتم تركيب الآى سى عادى خالص، و الكلام إللى فات ده كله عن تجربة شخصية و يا ريت إللى عنده أى إستفسار أو سؤال يتفضل به و إن شاء الله أرد عليه فى أسرع وقت و شكراً ...
طارت رِجل من تحت الآى سى على البوردة )-: !!! ولا يهمك (-: محلولة إن شاء الله