عايز مشرفين رجاله و جدعان
 
الرئيسيةخش بسرعهاليوميةبحـثالتسجيلدخول
شاطر | 
 

 كم وجبة يأكل الكلب في اليوم والكمية ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
shaframan
webmaster
webmaster


عدد المساهمات: 1433
نقاط: 2147485486
السٌّمعَة: 0
تاريخ الميلاد: 30/03/1992
تاريخ التسجيل: 14/11/2009
العمر: 22
الموقع: www.zerodownload.yoo7.com

مُساهمةموضوع: كم وجبة يأكل الكلب في اليوم والكمية ؟   الثلاثاء نوفمبر 24, 2009 3:03 am

[center]بسم الله الرحمن الرحيم


اقولك الكلام الي متأكد منه
1-وجبة واحده فقط تكون مع الساعة 7 او 8 المغربية وتكون من 1ونص لي 2 كيلو
وتنوع مابين عظام فراخ وهياكل ورز او مكرونة شوية جزر ولا مرقة الفراخ
تزودلها 3 او 4 عيش وتخلطها مع بعض وتديهاله وتخليها قدامه ساعة بس ومش
دايمن فراخ جرب لحمة عظام خروف

2الصبح لو فيه لبن وشوية عيش يكون حلو


3 مرة فالاسبوع افقس بيضتين على اللبن الصبح ومعاهم العيش وحركهم لغاية ما يبقى زي العجين واديهاله

جرب وحتدعيلي

لا لا دراي فوود دول مالهوش ولا لزمه حاول تجرب دواء ديدان قبل ما تعمل
الي قلتلك عليه عشان تضمن الاستفادة من التغدية بنسبة 100 فالمية




5
[size=21]- تغذية الكلاب في المراحل العمرية المختلفة:

في النقطه الخامسه يا شباب هتكلم عن تغذية الكلاب سواء كانت جراء أو كلاب
بالغه، والموضوع ده له أهمية كبيره جدا لأن التغذية السليمة بتضمن لكلبك
صحة كويسه وكمان بتزود من معدل العمر (طبعا الأعمار بيد الله سبحانه
وتعالى لكن احنا بناخد بالاسباب). وموضوع التغذية هنقسمه ل 3 عناوين
رئيسية:
[size=7]المصدر: رابطة محبي الحيوانات AnimalsFanClub.Com[/size]
1- معلومات عامة عن التغذية

2- وجبات متنوعة للكلاب.

3- عدد و مواعيد وطرق تقديم الوجبات.
[size=7]المصدر: رابطة محبي الحيوانات AnimalsFanClub.Com[/size]
وعلشان أسهل الوضع على
الناس ولأن الموضوع كبير ومتشابك فأنا فضلت اقسم الوجبات لوجبات إفطار و
غداء و عشاء، وذكرتهم منفصلين عملتهم في جدول فيه أعمار الكلاب، انا مش
هطول عليكوا، انتو لما تشوفوا الجدول هتفهموا انا قصدي ايه
[size=7]المصدر: رابطة محبي الحيوانات AnimalsFanClub.Com[/size]
1. معلومات عامة عن التغذية:

طبعا لازم في الأول نفهم ان تغذية الجرو غير تغذية الكلب البالغ غير تغذية
الكلب اللي بيتمرن تمارين رياضيه عنيفه، ده غير ان في انواع معينة من
الكلاب ليها نظام مختلف في التغذية، ولازم قبل ما نفكر نعمل أكل للكلب
نكون عارفين بالظبط الكلب بتاعنا ايه نظام تغذيته.
وفي 3 أنواع من الغذاء ممكن نعتمد عليهم:
[size=7]



المصدر: رابطة محبي الحيوانات AnimalsFanClub.Com
[/size]

الطعام الجاف (Dry Food):

[size=16][size=7][/size][/size]
وده عبارة عن مجموعة من الفيتامينات و الدهون و مسحوق العظام و اللحوم
المجففه مضاف ليها معادن وكربوهيدرات و أملاح بنسب مدروسه صح، بتكون
مخلوطه خلط جيد مع بعض ومجففه و على شكل كرات صغيره (زي البلي) أو مشكلة
على شكل عظام صغيره جدا. والطعام الجاف ده مفيد جدا خاصة انه بيمنع زيادة
الوزن وكمان بيقدم للكلب كل العناصر اللي ممكن يحتاجها وخاصة الأملاح لأن
ناس كتير بتنسى اضافة الملح للطعام وده احيانا بيأدي ان الجرو وهو صغير
ياكل برازه لتعويض الأملاح، وكمان الطعام الجاف مفيد لأسنان الكلاب من
ناحية انه بيزيد من حدتها وبيقوي عضلات الفك، وكمان بيعمل على تنظيف
الأسنان.
وعيب الطعام الجاف ان سعره مرتفع جدا، وأكتر نوع مشهور هو Nutro وكان سعره
300 جنيه للكيس ال 20 كيلو، بس في زميل لينا في المنتدى كان جاب رابط قبل
كده من بيؤكد ان النوع ده بالذات بيجيب سرطانات وتسبب في موت كلاب كتير.
وحاليا منظمه ال FDA معترضه عليه. وفي غيره طبعا أنواع كتيرأوي أغلبها
موجود في كارفور و سبينز في القاهرة أو من المستورد في شارع فيصل في
الجيزة.
الطعام الجاف في ناس كتير جدا بتفضل تعتمد عليه كغذاء أساسي للكلب بدون اي
حاجة تانيه، لكن انا بصراحه ضد الموضوع ده لأنه بيحتوي على مواد حافظة و
مكسبات طعم وكمان سعره مرتفع جدا، وغير كده انا باحب الكلب يعيش حياته
طبيعي علشام ميفقدش اي حاجة من سماته اللي ربنا خلقها فيه.
[size=7]المصدر: رابطة محبي الحيوانات AnimalsFanClub.Com[/size]
الطعام المعلب المخصص للكلاب:

وده بردو بيكون عباره عن خليط من لحوم و عظام مطحونه و رز وفيتامينات و
كربوهيدرات و أملاح ومكسبات طعم بس بيكون طعام معلب (زي البلوبيف) وبردو
هو مفيد جدا لأنه مدروس بس انا بارفضه لارتفاع سعره ده غير ان ممكن الكلب
يتعود عليه ويرفض اي طعام تاني غيره، وكمان لانه بيحتوي على مواد حافظة.
لكن عامة ميزته هو الطعام المجفف انه مش محتاج اي تحضيرات وسهل جدا تقديمه
ومش بيحتاج اي مجهود. علشان كده باكون مستعد بيهم هم الاتنين لان احيانا
الواحد مش بيكون عنده وقت يعمل أكل للكلب.
[size=7]المصدر: رابطة محبي الحيوانات AnimalsFanClub.Com[/size]
الطعام المحضر في المنزل:

ده بقى المهم في الموضوع، طبعا لأن اغلبنا مادياتنا متسمحش اننا نصرف على
أكل الكلب 400 جنيه في الشهر مثلا. والطعام المحضر في المنزل مميزاته انك
بتكون عارف انت بتقدم ايه للكلب بالظبط وضامنه تماما، وكمان كل الأصناف
بتكون طازجه ومفيش اي مواد حافظة ولا حاجة. وعامة تحضير الطعام للكلب في
المنزل متعة لأنه بيقربك من الكلب و بيحس بيك وانت بتعمل له أكله وبيشم
ريحته وهو بيستوي ودي بتزود الرابطه بينك وبينه لانه بيحس انك بتتعب
علشانه وكمان بتعمل تشويق للكلب لما يفضل واقف جنبك مستني الطعام.

[size=7]المصدر: رابطة محبي الحيوانات AnimalsFanClub.Com[/size]
2. وجبات متنوعة للكلاب:

أنا هقسم هنا الوجبات زي ما قلت لإفطار و غداء وعشاء، لكن مواعيد التقديم وعدد الوجبات هتختلف حسب عمر الكلب و نوعه و الرياضه.


[size=7]المصدر: رابطة محبي الحيوانات AnimalsFanClub.Com[/size]
ملاحظات مهمة:

ا- الوجبة اللي فيها البيض نيء دي بالذات خاصة بالكلاب اللي بتتمرن تمارين
قاسيه و عنيفه زي الروت و البيت بول ومينفعش تكون وجبة يومية ثابته يعني
في الايام اللي تم تمرين الكلب فيها، وبتقدم بعد بلوغ الكلب عمر 6 شهور مش
قبل كده لأن البيض النيئ هيكون خطر عليه.

ب- الوجبة اللي فيها ماسورة أو ريش طبعا مش وجبة اساسيه، يعني بنديها
للكلب مره كل يومين او 3 ايام علشان نقوي عضلات فكه ده غير فايده العظام
والنخاع للكلب، وطبعا العظام بتساعد على تقوية الاسنان، وكمان بتقلل من
توتر الكلب ومن رغبته في العض.

ج- طبعا ممكن نستبدل وجة العشاء بالباقي من وجبة الغداء، بس ده ميكونش مستمر كل يوم وخصوصا لغاية سن 6 شهور.

[center][size=7]المصدر: رابطة محبي الحيوانات AnimalsFanClub.Com[/size]
3. عدد و مواعيد تقديم الوجبات:



وبالنسبه لتقديم الوجبات هيكون عليه شويه ملاحظات وهي كالآتي:

1- نراعي ان الوجبه متكونش لا سخنه اوي ولا بارده اوي.

2- بالنسبه للكبده بالذات نراعي انها تكون مرتين بالكتير في الاسبوع علشان مش نزود حمض اليوريك في جسم الكلب.

3- ياريت نبعد عن بواقي أكل المنزل اللي بتحتوي على كميات كبيره من الأملاح و الدهون والتوابل خصوصا لغاية سن 6 شهور.

4- عند وضع الاكل للكلب يفضل انك تدرب الكلب على انه يستنى لغاية ما تحط الاكل تماما في طبقه وبعدين تديله الامر انه يبتدي ياكل.

5- طبق الاقل يكون واسع ومش عميق جدا علشان الكلب يعرف ياكل فيه، ويكون
ويكون ثقيل الوزن علشان مش يفضل يجري من الكلب وهو بياكل، وانا عن نفسي
بافضل اطباق الفخار، و نراعي اننا نغسل الطبق بعد كل وجبة.
[size=7]المصدر: رابطة محبي الحيوانات AnimalsFanClub.Com[/size]
6- علشان نعود الكلب
على انه ياكل اي حاجة، نحط له الاكل ولو ماكلش خلاص 20 دقيقه نشيل الاكل
من ادامه ويقدم له تاني في معاد الوجبه التالية.

7- نحاول ننظم مواعيد الوجبات على اد ما نقدر علشان ننظم عمليات التمثيل الغذائي و الاخراج.

8- بلاش ندي الكلب اي وجبات اضافيه بين الوجبات الاساسيه، والمكافئات تكون بسكوت كلاب قطع صغيره او قطع لانشون صغيره.

9- دايما نوفر للكلب الماء النظيف اثناء الاكل لانه هيشرب على طول بعد الاكل. ونتأكد دايما من نظافة الماء وتغييره باستمرار.


بكده أكون نهيت النقطه الخامسه واتمنى ان ربنا يكون وفقني فيها والاعضاء تستفيد منها.
[/center]
[/size]




[/center]

_________________

الرجوع الى أعلى الصفحة اذهب الى الأسفل
http://zerodownload.yoo7.com
 

كم وجبة يأكل الكلب في اليوم والكمية ؟

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
للجدعاااااااااااااااااااااااان فقط ::  :: -